回憶、過去 (14-07-2004)
今日執相時突然見到畢業相，見到畢業相令我回想起就好似發生係昨日一樣，原來相片就好似將某一時空凝結，係過左一段日子後再將佢展現係你眼前，令到你既記憶歷久彌新，將腦海裡的美好回憶一一勾出。

攝影新體會 (07-07-2004)
前一段時間很忙，一個星期上幾晚堂，不用上堂晚上又要做功課，星期日影相，令自己靜下來時間都沒有，點解咁忙?就係因為可以令自己沒有時間去想其它唔開心事情，現在稍為可以靜 下來，可能當一個人忙既時候，覺得時間特別快， 不知不覺學習攝影已有一段時間，係學習攝影中我發覺我開始學識看一樣物件可以從不同角度看，用一種與平常不同心去看，這件物件完全唔同晒，但最大得益就係可以套用係生活上，人生不如意事十常八九，但當面對逆境時、唔開心時、失意時可以用唔同角度看，其實發覺不是想像中這麼差。

攝影感覺   (20-04-2004)
攝影正受到數碼時代衝擊，但對於我來講數碼相機或傳統單鏡反光機都是攝影，只是工具不同，但是我個人對傳統菲林有一種不可替代感覺，一種按下菲林快門的感覺，一種安裝菲林的感覺，一種聽菲林捲動聲音的感覺，一種等菲林沖晒出來的感覺，一種係我內心對菲林攝影不能磨滅的感覺。

一個網站的誕生 (20-04-2004)
這個網站的出現可以說完全因為攝影,希望透過這個網站可以認識其他喜歡攝影的朋友,更希望透過這個網站可以將自己所攝影的相片和別人分享,亦可將這個網站作為一面鏡子,反映我係學習攝影過程中的演變和提升。

回上

攝影風格 (19-04-2004)
攝影係什麼?有人話攝影係敗家活動，有人話學攝影只是想追女仔，有人話攝影係捕光捉影既藝術，攝影究竟係什麼，相信對唔同既人有唔同看法。我係邊種呢?我覺得係學習攝影中在唔同階段會有不同追求,有不同領悟,有不同感受,但我希望從不同追求,不同領悟,不同感受創出屬於我自己的風格。